Սիրելի համագյուղացիներ

Սեպտեմբերի 21-ին ժամը 10:00-ին Քասախի Հաղթանակի հուշահամալիրի մոտ տեղի է ունենալու արդեն ավանդույթ դարձած ծաղկեդրման արարողությունը, որից հետո ժամը 11:00-ին տեղի կունենա Երևան-Աշտարակ մայրուղին Քասախ համայնքին միացնող Ն. Ավետիսյան փողոցի պաշտոնական բացման արարողությունը:

Այսօր Քասախ համայնքի ղեկավար պարոն Արա Մկրտչյանը Քասախի «Արուսյակ» մանկապարտեզի նախադպրոցական խմբի երեխաներին տրամադրել է դպրոցական պայուսակներ և գրենական պիտույքներ՝ մաղթելով երեխաներին անհոգ մանկություն և նորանոր գիտելիքների ձեռքբերում:

        Քասախ համայնքի հարգելի բնակիչներ
   Սեպտեմբերի 15-ին Քասախ համայնքում կայացավ <<Մաքուր մոլորակ>> համաշխարհային մաքրության օրվան նվիրված միջոցառումը, որի արդյունքում մաքրվեց համայնքի ողջ տարածքը: Շնորհակալություն ենք հայտնում բոլոր մասնակիցներին, միևնույն ժամանակ հորդորում ենք բնակիչներին մաքրել իրենց բակերն ու փողոցները: 
    Հատուկ շնորհակալություն ենք հայտնում Քասախի թիվ 1 դպրոցի <5բ> դասարանի աշակերտներին՝ ուսուցչուհի Վարդ Կարապետյանի գլխավորությամբ: 
      Միացե՛ք, եթե ցանկանում եք ապրել մաքուր, գեղեցիկ Հայաստանում։

        Այսօր կայացավ համապետական շաբաթօրյակ: Քասախ համայնքի բնակիչները, կրթական և մշակութային հաստատությունների սաներն ու մանկավարժները, բուժհաստատությունների աշխատակիցները միահամուռ ուժերով մասնակցեցին շաբաթօրյակին: Համայնքի ղեկավարի գլխավորությամբ համայնքի ամբողջ տարածքը մաքրվեց:

         Սիրելի աշակերտներ, ուսանողներ, մանկավարժներ, կրթության բնագավառի ներկայացուցիչներ   շնորհավորում եմ Ձեզ Գիտելիքի և դպրության օրվա, նոր ուսումնական տարվա մեկնարկի կապակցությամբ: Մաղթում եմ բոլորին արգասաբեր,  հայտնություններով հարուստ ու հաջողություններով լի ուսումնական տարի: Կրթված ու գիտակից սերունդը երկրի առաջընթացի առաջին երաշխիքն է, իսկ հաջողությունները կրթության ոլորտում՝ մեր երկրի կայացման կայուն հիմնաքարը:

           Քասախ  համայնքի ղեկավար`   Արա   Մկրտչյան

Քասախ համայնքի ավագանու 2018թվականի հերթական 9-րդ նիստը կկայանա սեպտեմբերի 3-ին ժամը 14⁰⁰-ին Քասախի համայնքապետարանի վարչական շենքում:

        Օգոստոսի 25-ին Քասախ համայնքի բնակիչները, կրթական և մշակութային հաստատությունների սաներն ու մանկավարժները, բուժհաստատությունների աշխատակիցները մասնակցեցին ավանդույթ դարձած համայնքային շաբաթօրյակին: Համայնքի ղեկավարի գլխավորությամբ համայնքի ամբողջ տարածքը մաքրվեց:

 Հարգելի բնակիչներ 

 Քասախ համայնքում նոր կառուցված գազատարը  հանձնվել է շահագործման: Տեղեկացնում ենք որ այն բնակիչները, ովքեր ցանկանում են դառնալ բաժանորդ կարող են դիմել Աբովյանի ԳԳՄ:

    Հեռ. 098-44-03-24

    Քասախի համայնքապետարան

   Հարգելի բնակիչներ

   ՀՀ ոստիկանության Նաիրիի բաժնի տեղեկատվությամբ 2018 թվականի օգոստոս ամսին ՀՀ Կոտայքի մարզի տարբեր համայնքներում գրանցվել են խոշոր և մանր եղջերավոր անասունների գողության բազմաթիվ դեպքեր: Հորդորում ենք Քասախ համայնքի բնակիչներին աչալուրջ  լինեն  և սահմանեն հերթապահություն անասնագոմերի մոտ՝ հատկապես գիշերային ժամերին:

Հեռ. 098-44-03-24  Քասախի համայնքապետարան

Հարգելի բնակիչներ

Ի կատարումն ՀՀ տարածքային կառավարման և զարգացման նախարարի 03.08.2018 թվականի 01/18.3/5669-18 հանձնարարականի, Քասախ համայնքը մեծապես կարևորելով ՀՀ բնապահպանության նախարարության կողմից մեկնարկած մեկանգամյա պլաստիկի աստիճանական օգտագործման արգելման գործընթացը, կոչ է անում իր բնակչությանը միանալ այս քարոզարշավին՝ հնարավորինս կրճատելով մեկանգամյա օգտագործման պլաստիկների ամենօրյա օգտագործումը։

ՄԱՔՈՒՐ ՊԱՀԵՆՔ ՄԵՐ ԲՆՈՒԹՅՈՒՆԸ։ 

Հարգելի քասախցիներ

Քասախ համայնքում շարունակվում են Ն․Ավետիսյան փողոցի ասֆալտապատման աշխատանքները և արդեն իսկ վաղվանից կսկսվեն Զորավար Անդրանիկի շուրջ 1․5 կմ երկարության փողոցի կապիտալ ասֆալտապատման աշխատանքները

        Նոր ուսումնական տարվան ընդառաջ՝ Քասախ համայնքի ղեկավար պարոն Արա Մկրտչյանը, շարունակելով ամենամյա ավանդույթը, համայնքի թիվ 1 և թիվ 2 միջնակարգ դպրոցներ սեպտեմբերի 1-ին առաջին անգամ մուտք գործող երեխաներին նվիրեց դպրոցական պայուսակներ և գրենական պիտույքներ: Համայնքի ղեկավարն իր շնորհավորանքն ու բարեմաղթանքները հղեց ապագա առաջին դասարանցիներին և ցանկացավ, որ գիտելիք ստանալու խանդավառությունն ու բարձր տրամադրությունը նրանց ուղեկից լինեն ուսումնառության  տարիներին:

Այսօր Քասախ համայնքի ղեկավար Արա Մկրտչյանը հանդիպում ունեցավ ՀՀ տարածքային զարգացման և կառավարման նախարարության միգրացիոն ծառայության պետ Արմեն Ղազարյանի հետ։

Հանդիպման շրջանակներում քննարկել են Քասախ համայնքում բնակվող Ադրբեջանից բռնագաղթած փախստականների սոցիալական վիճակի, նրանց հուզող հարցերի վերաբերյալ։ Արմեն Ղազարյանը բարձր է գնահատել Քասախ համայնքի ղեկավար Արա Մկրտչյանի պատրաստակամությունը նրանց մշտապես աջակցելու համար

Հարգելի Քասախցիներ ... տեղեկացնում ենք Ձեզ, որ սույն թվականի օգոստոսի 1-ից հիմնանորոգման աշխատանքների պատճառով երկկողմանի փակ կլինի Ն.Ավետիսյան փողոցը: Որպես այլընտրանք` Քասախը Աշտարակի խճուղուն կապելու հիմնական ճանապարհ կօգտագործվի Արաբկիր փողոցը:
Նախապես հայցում ենք Ձեր ներողամտությունը` ստեղծվելիք անհարմարությունների համար:

Հարգելի քասախցիներ՝

Մաքուր Հայաստան ծրագրի շրջանակներում 2018թվականի հուլիսի 14 -ին Քասախ համայնքում հայտարարված է համայնքային շաբաթօրյակ։ Ակնկալում ենք Ձեր գործուն մասնակցությունը՝ մեր համայքն ավելի մաքուր ու բարեկարգ դարձնելուն։

2018թվականի հուլիսի  6-ին ժամը 11⁰⁰ - ին  Քասախ համայնքի վարչական շենքում տեղի կունենա Քասախ համայնքի ավագանու արտահերթ  8-րդ նիստը:

     2018 թվականի հունիսի 29-ին Քասախի «Արվեստ Մշակութային դպրոց-ստուդիա» ՀՈԱԿ-ում տեղի ունեցավ տարեվերջյան հաշվետու համերգ: Գերազանց առաջադիմություն ցուցաբերած աշակերտներն արժանացան գովասանագրերի, իսկ շրջանավարտները ստացան ավարտական վկայականներ: Դահլիճը զարդարված էր դպրոցի սաների ձեռքի աշխատանքներով:

      Համայնքի ղեկավար Արա Մկրտչյանը շնորհավորում է բոլոր շրջանավարտներին` մաղթելով նորանոր ձեռքբերումներ և նորանոր նվաճումներ:

2018թվականի հուլիսի  2-ին ժամը 14⁰⁰ - ին  Քասախ համայնքի վարչական շենքում տեղի կունենա Քասախ համայնքի ավագանու հերթական 7-րդ նիստը: